vendredi 29 septembre 2017

OCEANOPOLIS ETA BREST HIRIA

Gaur Bresten eman dugu eguna. Goizean, Oceanopolis bisitatu dugu Europako aquariumik handienetako bat. Bertan, Bretainiako uretan bizi diren animalia eta landareen berri izan dugu Beatrisek emandako azalpenei esker. Horrez gain, eremu tropikal eta polarretako itsasondoak ezagutzeko aukera ere izan dugu. 

Arratsaldea, berriz, hirian bueltaxka egin eta dendetan erosketak egiteko erabili dugu. 17:00ak aldera Diwanera itzuli eta bakoitza bere etxera abiatu da.  

jeudi 28 septembre 2017



LESNEVEN ETA BELAGURDIAK

Goizeko 9:00etan Diwanen elkartu eta Bretainiako historia eta kultura hobeto ezagutzeko aukera izan dugu gaur Leoneko museoan: bertako produktuak, jantziak, historia... Gero, Lesneven herria bisitatu eta erosketak egiteko tartetxo bat hartu dugu. Eguraldi ona lagun, itsasertzean bazkaldu eta arratsaldean, belagurdian ibili gara hondartzan. Arratsaldeko 5:30ean, bakoitza bere etxera. Egun paregabea gaurkoa ere!

mercredi 27 septembre 2017

LEHENENGO EGUNA BRETOIEKIN

Goizeko 9:00etan elkartu gara Diwan ikastolan. Lehenengo gauaren berri eman eta eguneko egitaraua aurkeztu digute. Ondoren Udaleko areto nagusian harrera goxoa egin digute: herriko aurkezpen bideoa ikusi eta bertako leku esanguratsuenak ezagutzeko bisita gidatua izan dugu. Diwaneko jangelan bazkaldu eta arratsaldean ederki pasa dugu hondartzan antolatutako jokoetan, ura, hizkuntza eta kultura uztartuz. Ilunabarrerako, gurasoek eta ikastolak antolatutako Fest-Noz kultur topaketan parte hartu dugu. 


lundi 25 septembre 2017


IRITSI GARA GWISENIRA 

Bretainiara iritsi gara arratsaldeko 19:30ak aldera, eguraldia lagun. Urduri samar bageunden ere, primerako ongietorria egin digute eta Beatrizek, Gwiseniko arduradunak, ederki antolatu du ikasleen arteko lehen hartuemana.
Dagoeneko, denok prest lehenengo gaua Bretainian pasatzeko.

Nous sommes bien arrivés en Bretagne à 19:30, et il faisait très beau !! Même si les élèves étaient un peu nerveux, nous avons été bien accueillis par Beatris, la responsable de l'échange, ainsi que l'équipe pédagogique du collège Diwan.  
Tout le monde est prèt à passer la première nuit en Bretagne.


vendredi 24 mars 2017

BREST: OCEANOPOLIS, TELEFERIKOA ETA CAPUCINS ERAIKINA

Gaur Bresten izan gara, goizean bertako Oceanopolisa bisitatu dugu, lehenik Bretainiako itsasondoa eta bertako animalia eta landareak ezagutu ditugu Beatrizek mandako azalpenak jarraituz. Ondoren, eremu tropikala eta polarreko bizidunak ikusi ahal izan ditugu.


Bazkal ostean, Bresteko teleferiko berria hartu eta portu militarraren gainetik igaro gara Capucin eraikinean sartzeko. Eraikin eder eta berritu  hau militarrek itsasontzi erraldoiak eraikitzeko erabiltzen zuten eremuan egin dute, bertan oraindik ere makina zaharrak ikus badaitezke ere, egun mediateka berri eta bikain bat dago. Honez gain, dantza, musika eta kirol guneak ere biltzen ditu.


jeudi 23 mars 2017

OIARTZUARREN BERRIA GWISSENYKO EGUNKARIAN


Gaurko egunkarian Oiartzuarrak Gwisseni herrira iritsi garenaren albistea irakurri dugu.




KARAEZ - MONTS D'ARRÉE

Gaur Oiartzunekin duela 22 urte senidatza hitzartu zuen Karaez herria ezagutzeko aukera izan dugu.
Goiz erdian, Udaletxean harrera ofiziala egin digute udaleko ordezkariek.
Senidetzako kideekin bazkaldu ondoren, Karaez herria bisitatu dugu.




Arratsaldean, Bretainiako mendirik garaienera igo gara, 385m dituen Mont Saint Michel-a





mercredi 22 mars 2017

ROSCOFF ETA BATZ UHARTEA

Bigarren eguna eguraldi ederrarekin abiatu dugu. Goizeko 9tan Diwan ikastolan elkartu eta familian igarotakoaren berri elkarri aditzera eman diogu. Giro ederrean bizitutako esperientziak eta ikasitakoak aipatu ditugu.


Ondoren, Roscoffera iritsi eta itsasontziz Batz uhartera abiatu gara. Eguraldi bikaina lagun, bertako itsasargia bisitatu dugu. Bretainiako paisaia zoragarriak ikusi ahal izan ditugu bertatik: baratza lurrak, itsasertza, bertako etxeak e.a.

Arratsalde erdian Roscoff herri arratntzalea ezagutu eta erosketak egiteko aukera izan dugu.
Ilunabarrean, kultura arteko emanaldia ospatu dugu. Ikasleen jarrera paregabea izan da eta denok gozatu ahal izan dugu haiek prestatutako dantzaz, bertsoez eta abestiz e.a.


Honela. bertako familiei nahiz irakasleei egindako harrera beroa, eskertu ahal izan diegu.
Eskertza festa amaieran guztiok elkarrekin afari merienda bikaina egin dugu giro armoniatsuan.